وقال وليد منصور عبر صفحته الشخصية على الـ فيس بوك”:" مستغرب جدا من إن في ناس قاعدة تتكلم على شيرين عبد الوهاب في حفل موازين اللي كل الجهات المنظمة هناك بتقولك أكبر عدد جماهيري في تاريخهم ومستغرب أكتر من شوية اللجان الفاشلة اللي للأسف من ناس تابعة لفنانة متخيلة كده مثلا إن هتغلوش على نجاح شيرين".

وأضاف:"  يا جماعة  أنا بقالي ١٨ سنة شغال في شغلانة الحفلات مع احترامي الكامل مصر مفيهاش غير شيرين عبدالوهاب واحدة. طبعا في نجمات مصريات كبار جدا جدا بس شرين عبد الوهاب الممثل الشرعي لصوت مصر في العالم شيرين لو روحت شارع شعبي تلاقي  أغانيها لو روحت ديسكو هتلاقيها لو روحت ستاد هتلاقيها هي قدرت بصوتها وإحساسها تكون صوت لجميع طبقات المجتمع. سافر مع شيرين وشوف هتفهم هي فين". 

وتابع “يا ريت بعيد عن أي أمور شخصية نفهم إن الفنانة دي حالة فنية صعب تحصل ديما أنا شايف شيرين هي أم كلثوم العصر الحديث. أنا عملت ليها ٨٠٪؜ من حفلات مصر مفيش حفلة مكنتش أعلى حفلة لفنانة”. 

وأضاف:" شيرين بنت البلد اللي هتفضل بفنها في حته لوحدها  فياريت لما حد ينجح مندورش على حاجات مضحكة ونقولها أصل كان في كام أغنية بلاي باك علشان. غنوا كل الأغاني بلاي باك وروني الجمهور هيفضل يغني كل أغانيكم ويحفظها زي شيرين. شيرين طالعة من محنة وشرفتنا بجمهور فاق كل حاجة بدل ما ندعم قاعدين نقول كلام غريب. مبروك شيرين هتفضلي صوت مصر الحقيقي".

يمكنك مشاركة الخبر علي صفحات التواصل