وأَضاف أمين الفتوى في دار الإفتاء المصرية، خلال تصريحات تلفزيونية، اليوم الثلاثاء، ردًا على سؤال حول حكم تصوير النفس أثناء الحج: "ليس ذنبًا، لكن ما تقعدش تشغل نفسك بالكاميرا وأنت بتطوف، كل شوية تفتح الكاميرا وتصور وانت مش مركز... يا جماعة دي عبادة، ينفع الواحد يقوم الليل ويصور نفسه؟ طب لو أنا صايم، هل أعمل فيديو وأقول (أنا صايم يا جماعة)؟ لا مش كده".

وتابع أمين الفتوى في دار الإفتاء "فرحتك بإن ربنا وفّقك للحج فرحة عظيمة، اجعلها بينك وبين الله، اسجد شكرًا، احمد ربك، مش لازم تصور وتبعت وتقول (أنا دعيت لك)، ادعي بظهر الغيب، وربنا يعلم ويقبل".

وأشار أمين الفتوى في دار الإفتاء إلى أن بعض الحجاج أصبحوا يبالغون في التصوير لدرجة تفقدهم المناسك&Search=" target="_blank">روحانية المناسك، وتحوّلها إلى مجرد استعراض. 

وتابع "للأسف إحنا بدأنا نبالغ جدًا في تصوير المناسك، وكل خطوة نصورها وننشرها، التصوير مش حرام، لكن لازم يكون في حدوده، صورة بسيطة للأهل، للذكرى، ماشي، لكن لما الموضوع يبقى صور هنا وهناك، وإرسال لكل الناس، وكأنها رحلة سياحية، هنا نقول لك راجع نفسك".

يمكنك مشاركة الخبر علي صفحات التواصل