وكتبت هدى زاهر قائلة: "ملك خرجت ولله الحمد والشكر، من يومين وفي انتظار تقارير أطباء عن الحالة بالظبط هي أحسن وهتكون أحسن ببركة دعائكم ليها ومحبتكم إن شاء الله التحاليل الأخيرة تعرفنا إيه السبب اللي عمل فيها كده، وأنا متفائلة وعارفة إن رب الخير لا يأتي إلا بالخير".
وتابعت والدة ملك زاهر: "الحياة بتستمر والشغل والالتزامات بتستمر رغم كل الظروف وده بسبب واحد إننا مؤمنين بالله وسايبنها علي الحي الذي لا يموت.. شكرًا لكل الأصدقاء والفنانين والمحبين والداعمين لاسرتنا ولملك تحديدًا وقريبا جدًا هنطمنكم عليها بشكل نهائي ونفرح مع بعض برجوعها لحضننا بألف سلامة وعافية".
وأشارت: "الله خير حافظ وفعلاً دي حقيقة ربنا حماها من حاجات كثير وإحنا أحسن من غيرنا الحمد لله والشكر الله وشكرا لكل من تواصل معانا للاطمئنان علي صحتها، ألف حمد الله على سلامتك يا روح قلب أمك وأبوكي وأخواتك يا أطيب قلب في الدنيا وأظن عرفتي بعد الأزمة الصعبة دي قد إيه الناس بتحبك حبيبتي".
واختممت هدى زاهر حديثها قائلة: "عقبال يارب ما نطمن على آدم ابن تامر وبسمة ونفرح كلنا وفرحتنا تكبر، يارب يشفي كل مريض اللهم آمين وفرحتنا تكمل، دعوات بشفاء كل مريض اللهم آمين".
يمكنك مشاركة الخبر علي صفحات التواصل
أخبار متعلقة :