وردًا على سؤال الإعلامية لميس الحديدي:"فتحي عبد الوهاب معندوش مشكلة إن الدور يكون صغير أو قصير؟"أجاب، خلال لقائه في برنامج "كلمة أخيرة" :"لا يهمني قصر الدور أو طوله أو مساحته، لأنني أيقنت منذ البداية أن ما يبقى هو الدور والشخصية نفسها، وليس المساحة. الناس مش هتقعد تفتكر الأفيش، ومين اسمه يسبق التاني... هيفتكروا تأثير الشخصية".

وعن حبه للكوميديا وميله لها أكثر من التراجيديا، علّق قائلاً:"أحب الكوميديا الحقيقية... زي فيلم ثقافي. دي الكوميديا الحقيقية، ومثل فيلم إشاعة حب، مين فينا مش لسه بيضحك بعد كل السنين دي على يوسف وهبي وهو بيسخر من نفسه وأداؤه مع عمر الشريف؟ دي الكوميديا المستمرة الحقيقية، اللي مش معتمدة على الكوميديا اللفظية أو النكتة اللي ليها وقت وتنتهي".

وعن انتشار صور "السيلفي" الخاصة به على مواقع التواصل الاجتماعي، قال:"كان عندي نظارة غريبة في البيت، ومكنتش فاهمها... كان شكلها عجيب. جربت أشوف شكلها عبر الموبايل، مش المراية، ففتحت الكاميرا وبصيت، والصورة اتشيرت صدفة من غير ما آخد بالي... وبقى الشرق الأوسط كله بيسف عليا.

إختتم : " عجبتني، ومن بعدها عملت سيلفي الأنف العجيب مع كل الفنانين".

يمكنك مشاركة الخبر علي صفحات التواصل