تحدثت الفنانة ريم البارودي خلال لقاء تليفزيونى، عن حياتها الشخصية وإذا ما كانت ستقبل بأن تكون زوجة ثانية، وتفاصيل علاقتها بأصدقائها في الوسط الفني، وموقفها من الأعمال الرمضانية.
- مقدرش أدي محمد رمضان نصيحة، النصيحة على الملأ فضيحة، هو حبيبي وعزاني في والدي وساب تصوير جعفر العمدة وجالي، وهو بار جدًا بـ أهله وخلوق وجدع جدًا.
- محمد رمضان نجم أكبر مني بكتير لو هو عنده نصيحة ليا أحب أسمعها.
- رد فعلي مش متوقع وساعات بزعل أني اتصرفت كده.
- رامز جلال طبعا من البرامج متفق عليها، لكن في تريكات ما أنا مش هاجي أديك أجر بالدولار ويكون ضعف أو أكتر عن اللي بتاخده في بلدك وطيران وتنقل وإقامة وتيجي تمثل كانوا عملوا مشاهد تمثيلية.
- على ما أعتقد فيه حلقات لازم تبقى الناس مش عارفين فيها أن ده برنامج رامز، ولكن الأقل ضرر اللي مش هيعملوا ليه مشكلة.
- رفضت أطلع في برنامج رامز جلال مع سمية الخشاب، علشان مقاليش لكن قالولها بس أنا عرفت، أنا كنت عارفة أنه رامز.
- المُعدة قالت لي إنه المرة دي لعب وإنه هيظهر بنفسه ومقالتش الحقيقة، لكن إحنا كزمايل وأصحاب بنقول لبعض، أنا عرفت أن فيه ضيف آخر في الحلقة.
- مقدرش أحكم على مسلسل كامل من مشهد على السوشيال ميديا.
- متجوزتش عرفي، أنا بحب الرسمي، وكلمة عرفي على الودن مش حلوة وشكلها رخيص.
- أقبل أبقى زوجة تانية وتالتة ورابعة وخامسة، ومعنديش عقدة من كده، العقدة كانت زمان لما كنت صغيرة أيام المراهقة، وبشوف ده في الخليج بس بيعدلوا، ولازم أبقى الأخيرة.
- ممكن أركب طيارة خاصة بس مش هصور، وأكبر النجوم عندنا مكنوش بيصوروا الطيارات الخاصة.
- منى زكي من الجيل اللي قبلي، ومفيش من أبناء جيلي غير إيمان العاصي.
- أنا مش بتاعة شغل، والفن بالنسبة ليا هوايا ومعنديش هوايا غيره.
- فلوس شغلك بتبقى حلوة جدًا، ووصلت لرقم حلو وراضيني من وقت حدائق الشيطان لغاية النهاردة.
- أنا مش عايشة على فلوس الفن الحمد لله، وأنا بحب أبسط نفسي.
يمكنك مشاركة الخبر علي صفحات التواصل
0 تعليق