مع أجواء عيد الأضحى التي يكثر فيها تناول اللحوم والمأكولات الدسمة، قد تتحوّل الولائم العامرة إلى خطر صحي حقيقي، خاصة لمرضى الضغط المرتفع وأمراض القلب. وفي الوقت اللي بينشغل فيه الجميع بالفتة واللحمة والمقليات، بيكون مهم جدًا إننا نراعي الأكل المناسب للي صحتهم محتاجة عناية أكتر.

يؤكد الخبراء أنه في عيد الأضحى، يتعرض البعض لارتفاع حاد في ضغط الدم أو لمضاعفات قلبية بسبب الإفراط في تناول أطعمة مليئة بالدهون والملح والكوليسترول. عشان كده، لازم نعرف إيه الممنوع، وإيه البدائل الصحية اللي ممكن نستمتع بيها من غير ما نعرض حياتنا للخطر.

أطعمة يُفضل تجنّبها تمامًا

    اللحم الضاني والمخ والكوارع:
    رغم طعمها المحبب، إلا إن الدهون المشبعة والكوليسترول في هذه الأكلات ممكن يرفعوا ضغط الدم ويؤثروا سلبًا على صحة القلب.

    اللحوم المقلية أو المحمرة بالسمن البلدي:
    الدهون المهدرجة بتزيد من خطر انسداد الشرايين، وممكن تؤدي إلى ارتفاع ضغط الدم بشكل خطير.

    المخللات والأطعمة المالحة:
    نسبة الصوديوم العالية فيها ممكن تسبب احتباس السوائل، وبالتالي رفع ضغط الدم.

    الفتة بالسمنة أو الزبدة:
    الوجبة دي ممكن تكون قاتلة للي بيعانوا من ارتفاع ضغط الدم أو مشاكل في القلب، خصوصًا لو اتعملت بالسمنة البلدية أو كانت غنية بالملح.

    السكريات والحلويات الشرقية:
    الزيادة في الحلويات بعد الأكل بتسبب اضطراب في مستويات السكر والضغط، خصوصًا لما تكون مليانة دهون وسمن.

بدائل صحية وآمنة في عيد الأضحى

    اللحم المشوي أو المسلوق من غير دهون، ويفضل من العجل بدل الضأن.

    الأرز البني بدل الأبيض، مع تقليل كمية الملح.

    سلطة خضراء بزيت الزيتون، بدلًا من المقبلات المالحة.

    شوربة العدس أو الخضار من غير كريمة أو دهون.

    فاكهة طازجة بدل الحلويات الدسمة.

نصائح مهمة لمرضى الضغط والقلب

    شرب كمية كافية من الماء لتجنب احتباس السوائل.

    تجنّب القهوة والمشروبات المحتوية على الكافيين بكميات كبيرة.

    المشي بعد الوجبة بنصف ساعة لتحسين الدورة الدموية.

    قياس الضغط بانتظام ومتابعة الحالة مع الطبيب خلال العيد.

يمكنك مشاركة الخبر علي صفحات التواصل