كشف إمام عاشور لاعب النادي الأهلي عن  تفاصيل تغريمه مليون جنيه من جانب محمد رمضان المدير الرياضي السابق بالنادي الأهلي بعد مشادة مع محمد الشناوي.

وقال إمام عاشور خلال ظهوره التليفزيوني: «كان فيه مباراة في أفريقيا وكولر أبلغني بعدم خوض المباراة ولكن تواجدت على مقاعد البدلاء وقتها مفيش خلصنا الماتش وطلعنا عادي شدينا أنا والشناوي كان في نرفزه شوية مني مكنش قصدي لكن أنا اتنرفزت شوية وزودتها، كويس إنها جات في كابتن شناوي وبتأسفله تاني وتالت على الهوا ، شدينا مع بعض شوية وخلاص ، لا مكنتش نقطة تعديل مثار أنا مركز مع النادي وتمريني وشغلي وماتشاتي وماليش علاقة باي حاجة تانية». 

إمام عاشور يكشف عن موقف لوسام أبو علي 

فيما كشف لاعب المارد الأحمر عن موقف مفاجئ من وسام أبو علي مهاجم الفريق من أجل أن ينفرد بجدول ترتيب الهدافين والوصول للهدف رقم 13 في جدول الترتيب.

وقال إمام عاشور في حديثه التليفزيوني: «أفضل هدف ليا في الدوري هو هدف مباراة فاركو لأن أنا شوفت في عيون زملائي الخوف عليا لإن عايزين أحصل على جائزة الهداف عمري ما شوفت كده في حياتي».

وتطرق للحديث عن موقف من وسام أبوعلي في مباراة الأمس قائلًا:«آخر 10 دقائق وسام أبو علي قرر إنه يكون جناح أيسر وقالي خليك إنت مهاجم مكاني عشان فيه كرات بتجيله كتير داخل الصندوق عشان أسجل هدف الانفراد بجدول ترتيب الهدافين».

وتابع:«الموسم كان صعب وعدينا بمراحل صعبة، والحمد لله قدرنا نعمل حاجة في النهاية. اتكلمنا مع بعض بعد إفريقيا إن عندنا دوري، ومينفعش نفرط فيه، وعندنا 6 ماتشات، مفيش بديل غير الفوز».