أعرب أيمن الرمادي المدير الفني للفريق الأول لكرة القدم بنادي الزمالك، عن حزنه الشديد، على أداء لاعبي فريقه أمام بيراميدز، في مسابقة الدوري المصري، للموسم الكروي الجاري 2024-2025.
وخطف الفريق السماوي، مساء اليوم الثلاثاء، انتصارًا صعبًا من نظيره الزمالك بهدف نظيف، خلال المباراة التي أقيمت، على ستاد «القاهرة الدولي»، وذلك ضمن منافسات الجولة السادسة من مرحلة التتويج بالدوري المصري.
وقال الرمادي في المؤتمر الصحفي الذي أقيم عقب المباراة:«غير سعيد بالنتيجة ولا بالأداء في بعض الأوقات، ونحتاج للمزيد من العمل ونكتسب أفكار خططية أفضل من أجل الظهور بشكل أفضل واعتذر للجماهير على النتيجة».
وأضاف:«أشكر اللاعبين على المجهود المبذول منهم وعملنا جيدا في الوقت الضيق بين مواجهة سيراميكا وبيراميدز».
وتابع:«اتحمل المسؤولية كاملة واللاعبين متميزين جدًا، ولو تحرروا وعملوا بشكل خططي أفضل ستكون النتيجة جيدة».
وواصل:«في حاجات كتير في فرق الكرة مطالب أعالجها لكن مش مطالب إني أفسرها وما حدث من قبل أنا اتفق أن في إصابات كتير ومؤثرة، لكن مش مطالب إني افتش في الماضي للإعلام، ولكن افتش لعلاج ما حدث دي أدبيات المهنة، وهحاول أعالجها ولكن أنا محتاج نفس علشان الوقت ذابحنا سواء في تأهيل لاعب أو معالجة لاعب من إصابة، استأذن الجميع اني يسألني عن الحاضر وليس الماضي وما به من مشاكل».
واستكمل:«الدوافع موجودة إنهم بيلعبوا في نادي كبير زي الزمالك، ويظهروا بأفضل صورة، ولازم يبقى في دوافع تانية الأجهزة الفنية تعمل عليها كنت منتظر إني اخلص المباراتين اللي ورا بعض عشان في شغل معين لازم يطبق والشغل اللي يتم وده يخص الإدارة والأجهزة مع بعض».
وأِشار إلى أن:«من حق الجمهور إنه ينتقد أداء أي لاعب ولكني أرفض بشدة ظلم أي لاعب مصطفى شلبي ودونجا بيكافحوا جدًا والخطأ عن الاتنين دول هو خطأ فيا أنا شخصيا وانا عمري ما همشي ورا أراء ثورية فبلاش الحمية تاخدنا ونقضي على لاعب مش عشان في مشاكل خططية عن لاعب في المركزية، وده شغل المدرب إنه يحرره من كدة وبعد كدة أحاسب اللاعب دونجا هيختلف الفترة اللي جاية».
واختتم:«كنت حاطط سيناريوهان للفترة المقبلة، أنا بس محتاج وقت أنا بروح النادي ٨ صباحا، السيناريو الأول أعمل معسكر مغلق خارج القاهرة لمدة حوالي ٥ أو ٦ أيام، والسيناريو الثاني أعمل نظام اليوم الكامل عشان محتاجين نقعد مع بعض فترة أطول وده هنستقر عليه مع الإدارة».
أخبار متعلقة :